Ein junkfood-generasjon?

Ungdommane vi har snakka med meiner det aukande problemet med overvekt kan ha mykje å gjere med matvanar. Fleire har hevda at ein gjennomsnittleg tenåring kjøper seg mat på skulen i alle fall tre gonger i veka, og da er det som oftast landgang eller tacobollar det går i.

Skrevet av Hege, ungdomsjournalist, ung.no


Overvekt er blitt eit stadig større problem dei siste åra. I Noreg er annakvar person såkalla overvektig, og ungdom vert vurdert som den aldersgruppa med den mest usunne livsstilen. Ungdom blir tjukkare og tjukkare med åra. Likevel er det fleire som trenar, og som regelrett "lever for" trening. Trening er rett og slett ein voksande popularitet blant den yngre garden. Eg har snakka med tre ungdommar om deira forhold til trening.

Vegard, Hanna og Karen trener en del

Vegard Pedersen (17), Karen Schultz Olsen (16) og Hanna Gabler (16) trenar alle ofte på treningsstudio og har heldt på med andre aktivitetar tidlegare.
- Eg trenar som regel 3-4 gonger i veka på treningsstudio, nokon veker oftare. Det kjem heilt an på kor mykje anna eg har å gjere den veka. Dessutan bor eg utanfor bygrensa, og hadde måtte venta ein time på bussen etter skulen om eg ikkje hadde dratt på Sats. Det er mye greiare slik, konkluderer Karen Olsen.
- Eg trenar 2-4 gong i veka, dersom du ser bort ifrå jobben min, 3 gonger i veka, som faktisk telles som ei ekstrem treningsøkt i seg sjølve, meiner Vegard, som i tillegg til skulegangen arbeider på fruktlager.

Hanna Gabler, som trenar fotball i tillegg, held seg til tre gonger i veka:
- Fotballtreningane kjem i tillegg til det eg trenar elles, så ofte endar det med at eg trenar kvar dag i ei veke. For meg som har trena fotball sida 2. klassen, er trening ikkje lenger berre ein hobby. Den blir som ein livsstil.

Ein junkfood-generasjon?

Ungdommane meiner det aukande problemet med overvekt kan ha mykje å gjere med matvanar. Fleire har hevda at ein gjennomsnittleg tenåring kjøper seg mat på skolen i alle fall tre gong i veka, og da er det som oftast landgang eller tacobollar der går i.
- Eg trur at veldig mange ungdom i dag er sjukleg opptatt av sjølvbiletet sitt, og trenar derfor for harde livet. Likevel er det mange som blir for komfortabel med ein livsstil som omfattar ein stor del junkfood kombinert med hyppig dataspilling. Då kan det fort bli vanskeleg å leggje heilt om, hevdar Karen.
- At ungdom blir stadig tjukkare trur eg kan skuldast at vi generelt er blitt latare, og at det er mykje pc og spill som kombineras med "kosemat", legg Hanna til.
- Media fokuserer alt for mykje på dei som er overvektige. Forholdet blir ubalansert, med tanke på at det faktisk er mange fleire som har begynt å trene no for tida, sukker ho.

- Kvifor starta du å trene på studio?

Pedersen starta å trene på Sats etter 11 år med aktiv fotball. Då meinte både kjærasten og han sjølve at det var på tide å slutte å sitje heime:
- Det blei ei stor forandring frå å trene fotball 4 gong i veka til ikkje å trene i det heile tatt. Eg følte at eg hadde mindre energi enn tidlegare, og kondisen var ikkje som den ein gong var. Dessutan fikk eg fleire oppfordringar frå dama mi om å begynne å trene styrke.
Karen Schultz Olsen blei så og si drege opp av sofaen av mor hennar. Det enda med at dei to begynte å trene på Sats saman.
- Vi har fått gratis medlemsskap i Studio 7 gjennom fotballaget. Det inkluderar då både spinning og vanleg trening med dei ulike apparata, fortel Hanna Gabler, som meiner det er mykje lettare og meir morosamt å trene når ho kan dra med sine vennar frå laget.

Ulike interesser – ulik trening

Det er stor forskjell på kva ulike personar trenar. Det kjem an på interesser, kjønn og tilgjengelegheit.
- På Sats trenar eg som oftast saman med instruktørar på fellestimar. Det kan til dømes være danse-aerobic, høy puls eller styrketrening. Alle timane har ulike formål. Det er mykje lettare å trene når du har nokon der som seier akkurat kva du skal gjere, og det blir ikkje like lett å berre gi opp. Eg føler at eg presser meg sjølve meir då. Desse timane gjer trening morosamt – det er ikkje så einsformig som det vil bli å berre trene ute med maskina. Tidlegare har eg gått på hip-hop, og synast derfor det er morosamt å inkludere dansing i treninga, uttrykker Karen Olsen. Vegard Pedersen har også prøvd ut desse fellestimane på Sats, men påpeiker at dei definitivt har størst oppslutning blant det kvinnelege kjønn, sjølv om også menn tar turen innom. For han er det styrketrening som gjeld. Hanna Gabler, derimot, trener mest for fotballen si skyld:
- Det tilbodet vi har fått gjennom laget er jo først og fremst for at vi skal kunne styrke oss sjølve innan fotballen, så den treninga eg gjer går mest ut på kondisjon og styrke i beina. Det hadde sikkert vore morosamt å prøve slike fellestimar som dei har på Sats, men det tilbodet har dei ikkje på Studio 7.

Meir energi og overskot

Alle tre seier seg einige om at treninga gir dei meir overskot i kvardagen. Når ein er vant til å trene ofte, merkast det fort når du ikkje har rørt deg på ei stund, fortel tenåringane.
- Det er klart at du orkar meir viss du trenar. Det er akkurat som at ein god og saftig hamburgar kanskje nyt godt mens du et han, men ein laksetallerken vil gi deg meir i det lange løp. Slik er det også med treninga; det kan verke slitsamt å dra på trening i forhold til å sitje heime føre TV-skjermen, men den treninga du då går glipp av kunne verkeleg vore ei god investering, meiner Hanna.
Vegard meiner likevel at muskelbygging er den største grunnen til at han trenar. Det viser seg at gutar generelt tenkjer meir på musklar som eit utbytte av treninga, mens mange jenter trenar for å halde vekta, eventuelt gå ned i vekt.
- Mange gutar og jenter trenar berre av overflatiske grunnar, men slik som det er no trenar eg mest fordi eg syns det er gøy, kjem det frå ei smilande Karen.

Les også

Vær stolt av den kroppen du har! Media fokuserer veldig mye på kropp. Dette påvirker oss. Den sterke fokuseringen på kropp, kan føre til at noen tøyer grensene for å forandre kroppen til reklamens idealer. Les mer

Føler du deg slapp i kroppen og lite opplagt? Da er tiden kommet for at du tar tak i deg selv og gjør noe med det. Les mer

Tilleggskommentarer fra brukere

Her kan du kommentere artikkelen.





Legg inn en melding!

Ditt kallenavn

Din kommentar (HTML-tagger fjernes) Ingen har lagt igjen kommentar til denne artikkelen - bli den første!

Spørsmål og svar

Hei, jeg er en gutt på 14 år som veier snart 80 kilo og er 159 cm h&...
Hei! Det er nok i mestelaget. Du bør prøve å holde den vekten og ikke gå opp ytterligere. Vekten jevner seg ut når du strekker deg i ungdomsårene. Spis sunt og...