Ortoreksi: sjuk av å vere for sunn

Et meir grønsaker, mindre sukker, mindre usunt feitt og meir sunt feitt. Hugs fem om dagen. Drikk tre liter vatn. Råda om eit sunt liv har ingen ende. Men ein kan faktisk bli sjuk av å vere for sunn.

Den nye typen eteforstyrring, ortoreksi, er baksida av dagens helsetrend. Unge, flinke jenter er hardast ramma. Diettane til Grete Roede og Fedon Lindberg, blodtypedietten og In Zone har teke av her til lands. Samtidig åtvarar Det europeiske informasjonsrådet for kosthald og ernæring (European Food Information Council) mot dei negative konsekvensane som all merksemda rundt sunn og usunn mat kan føre til. Spesielt unge, ressurssterke jenter står i fare for å bli sjukleg opptekne av å vere sunne.

Kva er ortoreksi?

Ortoreksi handlar om å vere opphengd i å ete sunt og rett, og blir karakterisert som ein type eteforstyrring. Ortoreksi skil seg frå anoreksi og bulimi ved at pasientane ikkje ønskjer å bli tynnast mogleg, men sunnast mogleg. Særleg unge, ressurssterke jenter blir ramma av den nye sjukdommen.

Sjuk sjel i ein sunn lekam

– Eg et jo berre sunt! Eg unngår kjøt, feitt, sukker, karbohydrat og ikkje-økologisk mat.
For somme tek sunnheitstankane heilt overhand og blir ein del av negative tankar og tvangstankar. Ein ortorektikar er fullstendig hekta på sunn mat; all mat må vere rein, nyttig og feittfri. Sjukdommen begynner ofte med vanleg fokusering på kosthald og matvanar, men det som gjer ein til ortorektikar, er at ein dannar seg eit eige bilete av kva som er sunt å ete, og lagar eigne diettar, reglar og ritual. Ein blir med andre ord sjukleg oppteken av å vere sunn.

Sterke jenter blir ramma

Mykje tyder på at jenter frå middel- og overklassen er dei som taklar flinkheitsidealet dårlegast i samfunnet i dag. Ei ny undersøking gjord ved Danmarks Pædagogiske Universitet viser at jenter frå ressurssterke familiar viser større teikn på sjølvdestruktivitet enn jenter frå sosialt belasta familiar. Mange unge kvinner føler seg som seigdamer fordi dei blir dregne i alle retningar, og mange slit seg heilt ut for å tilfredsstille dei krava flinkheitsidealet stiller. Dette slår ut i eteforstyrringar, einsemd og sjølvmordsforsøk. Flinke jenter utgjer den største potensielle gruppa ortorektikarar.

Flink jente

Professor i sosiologi Karin Widerberg skriv i universitetsmagasinet Apollon at kvinner og jenter framleis blir sosialiserte til og er forventa å vere ”flinke jenter” som set andre føre seg sjølv. Dei yngre kvinnene ser dessverre ikkje ut til å vere noko unntak når det gjeld å vere flinke og pliktoppfyllande, snarare tvert imot. Dei er framstormande og har appetitt på livet, og har allereie frå ungdommen av eit kroppstempo og kroppsvanar som gjer dei endå meir sårbare for ”flink jente”-syndromet, skriv ho.

Ikkje overraskande

Henriette Øien, seniorrådgivar i ernæringsavdelinga ved Helsedirektoratet, er ikkje overraska over at den danske undersøkinga viser at det er ressurssterke jenter som slit mest med eteforstyrringar.
– Anorektikarar har jo ofte vist seg å vere dei mest flinke og ressurssterke jentene. At desse no står i faresona for å dominere ortoreksi-statistikkane òg, er derfor ikkje sjokkerande, seier ho til ung.no. Ho påpeiker korleis presset om å vere slanke og lekre er større på unge jenter enn på gutar, sjølv om dette kanskje er i ferd med å endre seg noko. Øien meiner det er viktig å informere unge jenter om at det er fint å leve sunt og trene, men samtidig signalisere at ein godt kan unne seg eit kakestykke i ny og ne. Ved å fokusere for hardt på å trene mykje og unngå usunn mat kan risikoen for å utvikle eteforstyrringar auke.

• Kva er eteforstyrringar?
  
• Kjenner du nokon som har eteforstyrringar?
  
• Treng du hjelp?

Tilleggskommentarer fra brukere

Her kan du kommentere artikkelen.










Legg inn en melding!

Ditt kallenavn

Din kommentar (HTML-tagger fjernes) Ingen har lagt igjen kommentar til denne artikkelen - bli den første!

Spørsmål og svar

Normal vekt?
Hei Takk for spørsmålet!   Din vekt er helt normal i forhold til høyde, alder og kjønn, og du har absolutt ingen grunn til å bekymre deg for vekten. Når ...

Han skjønner ikke kroppsspråket mitt?!
Hei!Det eneste du egentlig kan gjøre er å snakke ordentlig med han om at dette er noe du ser på som et problem, og at du prøver veldig hardt å jobbe med å forandr...

Holder jeg på å få tilbakeslag av anorexi.
Hei Jeg kan forstå at moren din er redd du skal få tilbakefall av anorexi.  Jeg ser også faresignalene i det du beskriver.  Det at mensen har vært borte et halvt &ar...

Mener dere gir feil kostråd.
Hei, og takk for ditt innspill. Det er for tiden mange diskusjoner om hva som er de rette anbefalingene når det gjelder mat og måltidsrytme. Her på ung.no forholder vi oss ti...

De siste årene har jeg slitt veldig med å gjøre alle lekse...
Hei Det du skriver er dessverre situasjonen for en del unge gutter og jenter som er flinke, som vil og kan presse seg selv, kanskje litt for hardt. Du skriver at du gjør alt du kan og f&a...