Vaksine mot smittsam hjernehinnebetennelse

Ungdom som skal delta aktivt i russefeiringa til våren blir oppfordra til å vurdere å vaksinere seg mot meninkokokk A,C,W og Y. Sjølv om vaksina ikkje dekkar alle typar av meningokokkbakterien, kan den hindre ein stor andel av meningittilfella hos russ.

Kva er smittsam hjernehinnebetennelse (meningitt)?

Sjukdommen skuldast meningokokkbakteriar. Friske personar kan ha meningokokkar i halsen utan å vite om det, noko som ein oftast ser hos personar i alderen 15 – 25 år. Få av desse blir sjuke, men dei kan smitte andre. Hos enkelte smitta kjem bakteriane over i blodet. Bakteriane kan derfrå finne vegen til hinnene rundt hjernen og gje hjernehinnebetennelse. Andre gongar kan bakteriane formeire seg i blodet (blodforgiftning) og skade viktige organ. Sjukdommen utviklar seg ofte raskt, og dødelegheiten er om lag 10 %. Omtrent 20 % av dei sjuke får varige, alvorlege følgetilstandar (til dømes hørselsskade, hovudverk og konsentrasjonsvanskar).

Kvifor er russen spesielt utsett?

Bakterien smittar ved nærkontakt. Ein kombinasjon av tett samvær med andre, festing med høgt alkoholforbruk og lite søvn gjer at russen og andre ungdommar kan vere spesielt mottakelege for smitte med meningokokkbakterien, og også meir utsett for å utvikle alvorleg sjukdom. Det er vist at røyking, også passiv røyking, svekkar motstandskrafta og aukar smittefaren. Sidan sjukdommen utviklar seg raskt er det svært viktig å komme tidleg til sjukehusbehandling. Fyllesjuke, utmatting og meningokokksjukdom liknar på kvarandre. Ta ansvar for kvarandre dersom nokon er sjuke, særleg dersom dei er "sløve" (har redusert medvit). Skaff lege dersom du trur vennane dine kan vere sjuke.

Korleis smittar det?

I dei fleste tilfella skjer smitten frå friske som har bakterien i halsen. Overføring skjer ved dropesmitte. Direkte kontakt gjennom dropesmitte frå nase og hals må til. Deling av flasker, glas og kyssing kan vere viktige smittemekanismar.

Effektiv vaksine finnast

Det finnast ulike typar av sjukdomsframkallande meningokokkbakteriar. Dei siste åra har eit aukande antal av sjukdomstilfella hos russ og andre unge vore årsaka av gruppe C og Y. For desse meningokokktypane finnast det no ein effektiv vaksine som er godkjent av norske legemiddelmyndigheiter. Folkehelseinstituttet anbefalar derfor at ungdom som skal delta aktivt i russefeiring til våren vurderar å vaksinere seg med meninkokokk A-,C-,W- og Y-konjugatvaksine (Menveo®). Sjølv om vaksinen ikkje dekkar alle typar av meningokokkbakterien kan den hindre ein stor andel av meningittilfella hos russ. Etter vaksinasjonen tek det omtrent to veker før vaksinen gir vern. Vernet varer i fleire år. Som andre vaksinarkan Menveo gje biverknader hos nokon. Dei vanlegaste er rødme og ømheit på stikkstaden og kjenne seg uvel med hovudverk og kvalme.

Det anbefalast at vaksinasjonen utførast i god tid før russefeiringa begynnar, gjerne allereie om hausten.

Kva kostar vaksina og kor kan du få satt den?

Vaksinen må på lik linje med andre vaksinar som ikkje blir tilbydd i Barnevaksinasjonsprogrammet, betalast av den enkelte. Slik er det også for vaksinar ein tek ved reise til utlandet. Vaksinen kan settast av fastlege, på vaksinasjonsklinikk, eller hos helsesøster. Sjølve vaksinen kostar kr 497,90 inkludert MVA og legemiddelavgift. Kva du må betale, kan variera noko frå stad til stad.

Kjelde: Folkehelseinstituttet

Les også

Russetid - økt fare for infeksjoner og uhell Russefeiring medfører en viss helserisiko, både når det gjelder smittsomme sykdommer, ulykker og alkoholrelaterte risikosituasjoner. Det er spesielt smittsom hjernehinnebetennelse (meningokokksykdom) man bør være oppmerksom på under russefeiringen. Les mer

Ikke drikk av samme flaske! Mange bakterier og virus smitter ved dråpesmitte. Det betyr at smitten overføres via små dråper fra person til person. Den sikreste måten å dele smitte på, er å drikke av samme flaske eller glass, spise av den samme maten, kysse eller dele røyk e.l. Les mer