Kvifor lærer vi nynorsk på skulen?

Hei

Takk for eit godt spørsmål. Eg skal gi deg nokre gode grunnar til at vi lærer nynorsk på skulen. Men det vert dumt å berre snakke om nynorsk, og eg vil heller snakke om sidemål, då dei med nynorsk som hovudmål er nøydde til å lære seg bokmål. 

• Det tryggjar det språklige mangfaldet i Noreg, gjennom at alle lærer både bokmål og nynorsk. Då unngår vi at landet vert "delt", og sørgjer for at alle forstår kvarandre.
• Noreg si historie, og med det språkhistoria, har vore prega av å byggje opp noko typisk norsk. Då vert det relevant å samle inn noko av det mest norske vi hadde: dialektene. Desse utgjer skriftspråket vi i dag kallar nynorsk - som i grunn er mykje meir norsk enn bokmålet, som stammar frå dansk. 
• Undersøkingar viser at barn og unge som lærar eit sidemål har lettare for å lære seg fleire andre språk, da språkkunnskapane deira generelt sett vert betre. 
• Vi har to sidestilte målformer i Noreg, kor alle som arbeider i det offentlege skal vere i stand til å svare på brev og henvendelsar både på nynorsk og bokmål.

På trass av dette er det mange som er motstandarar av sidemålet. Dette er naturleg, da mange ikkje føler meistring innanfor dette området. Dette kan skuldast at sidemålsopplæringa startar for seint i opplæringsløpet, og derfor vert ein "kunstig" del av norskfaget. Men dette er ein annan debatt, som både politikarar, lærarar og ikkje minst elevar er særs opptekne av.

Håpar dette var oppklarande!

ungdomsskolelæreren, ung.no