Er ikkje dei videregåande skulane pliktig å følge ventelista?

Hei!

Så leitt å høyre at du ikkje kom inn på det du ville! Og eg skjønner godt at du opplevde dette som urettferdig.

Det som kanskje har skjedd her, er at skulane som regel "tek over" inntaket til vidaregåande rundt 1. september. Før 1. september er det fylkeskommunane som har ansvar for inntaket til videregåenade og for ventelista. Det varierer litt korleis skulane då gjer det, men nokre gonger er det sånn at ventelistene som gjaldt fram til 1. september ikkje gjeld lenger. Etter dette er det ofte sånn at ein må kontakte skulen direkte for å halde fram med å stå på venteliste, eller for å få plass. Så kanskje har venninna di kontakta skulen direkte, og fått plass på den måten.

Det eg rår deg å gjere, er å ringje skulen du vil inn på på måndag. Viss du synest det er ubehageleg, så spør ein voksen heime om dei kan ringe saman med deg. Eller så kan du spørje rådgivaren på skulen du har plass på no om hjelp. Det er vanleg å vilje byte, så ikkje vêr redd for å spørje om hjelp til dette.

Viss det blir sånn at du ikkje får plass på skulen du vil, så prøv å ha litt is i magen. Ofte blir det betre etter kvart enn det du først tenkte. Om du vil snakke meir med nokon om alt dette, så kan du kontakte oss i Karrierettleiing.no - det er gratis og du er anonym når du kontaktar oss.

Eg ønskjer deg lykke til vidare, uanett kva vegen vidare blir!

Med vennlig hilsen

karriereveiledning.no, i samarbeid med ung.no