Korleis blir ryggen min etter skoliose-operasjon?

Hei!

Eg klarer dessverre ikkje å svare deg nøyaktig på korleis ryggen din blir etter skoliose-operasjonen. For dette kjem veldig an på korleis akkurat DIN rygg og din skoliose er, kva skal operasjon legane har planlagt for deg osv.

Her kan det vere mange forhold som eg ikkje veit noko om, som bestem korleis ryggen din vil bli sjåande ut etterpå.

Men eg skjøner godt at du lurer! Og du har rett i at det ikkje alltid er enkelt å få tak i spesialistane for å spørje.

Men du har rett på god og nok informasjon om operasjonen, før du tek han. Så du kan godt kontakte sjukehuset og spesialisten du var hos, for å stille desse spørsmåla. Du kan også skrive eit brev til spesialisten (den du var hos sist, som har bestemt at du skal operere), med spørsmåla. Då er spesialisten eigentleg forplikta til å svare.

Du kan også spørje fastlegen din om dette. Det er ikkje sikkert fastlegen din veit det sjølv, men hen kan spørje sjukehuset om det, og gi vidare svara til deg.

Det er viktig at du får nok informasjon før operasjonen og at du kjenner deg trygg. Så still spørsmåla til fastlegen og spesialisten, så skal du ha rett på svar.

Lukke til med operasjonen!

Alt godt! Vennleg helsing lege, ung.no