Har sterk uvirkelighetsfølelse - kva kan det vere? Har fått kompleks PTSD

Hei, jente på 20 år!

Eg skjønar godt dersom du blir forvirra. Kompleks PTSD og borderline kan sjå veldig forskjellige ut på papiret - men dei har også ein del til felles. Kanskje spesielt med tanke på at det i begge tilfeller gjerne handlar om at ein har opplevd noko som har vore overveldande/vanskelig (gjerne over tid) og også at det fører til sterke følelsar som kan vere vanskelig å handtere/regulere. I begge tilfeller kan ein streve med å forholde seg til eigne kjensler og også gjerne streve i relasjonar til andre grunna t.d. vanskelige erfaringar som igjen fører til t.d. vanskar med å stole på andre eller at "verden er god/trygg".  

Når det gjeld uvirkelighetsfølelse så kan dette har ulike grunnar. Uvirkelighetsfølelse er gjerne ein følgetilstand som ein kan oppleve når ein har ulike ande primærlidingar. Altså er uvirkelighetsfølelse gjerne noko som kjem sekundært til den primære lidinga ein har - vi kan finne dette både hos personar som har traumelidingar, angstlidingar og personlegdomslidingar. Nokon oppgir at dei kjenner på det som vi kallar derealisering og andre oppgir å kjenne på depersonalisering. Derealisering er når ein opplever at verden utanfor er uvirkelig og depersonalisering er når ein kjenner seg "avkopla" frå seg sjølv. Nokon beskriver også det vi kallar for dissosiasjon som du kan lese om her.

Uansett kva du opplever så er det nok lurt dersom du klarar å sette ord på det så godt du kan slik at dei som skal hjelpe deg kan hjelpe deg. Du får også best svar av dei som kjenner deg til å tolke det du opplever. Vi som jobbar på ung.no kan berre komme med tips/veiledning og kan ikkje utrede eller vite med sikkerhet kva dei som skriv inn har av vanskar og diagnosar. Du har ingenting å vere flau over og det er ikkje din feil at du opplever det du gjer. Det å vere open om korleis ein har det er ofte det fyrste steget mot å få det betre. 

Eg ynskjer deg alt godt og håpar at du snart får det betre og at du også får svar på kva du opplever og korleis du skal forholde deg til det! Masse lykke til. 

Med vennlig hilsen psykologen