Spørsmål og svar

Hei, og takk for spørsmålet!

Det er mange meiningar om skatt, så det er flott at du spør etter fakta.

Det norske skattesystemet er ganske komplisert, og kor mykje skatt du betaler, kjem an på mange ting: inntekt, formue, gjeld, frådrag, om du har barn, pendlar, driv eiga verksemd, og så vidare.

Kort fortalt har vi eit progressivt skattesystem i Noreg. Det betyr at skattesatsen aukar jo høgare inntekt du har. Med andre ord: personar med låg inntekt betaler ein lågare prosentdel i skatt, medan dei med høgare inntekt betaler ein høgare prosentdel. Dette skal sikre at vi blir skattlagde etter evne, og bidra til rettferdig fordeling.

Nokre døme på skatt på løn i 2025 (utan frådrag og annan inntekt):

Viss du tener under 100 000 kroner, har du frikort og betaler ingen skatt.

Bruttoløn 120 000 kr → ca. 4 % skatt → Nettoløn 115 200 kr
Bruttoløn 200 000 kr → ca. 8 % skatt → Nettoløn 180 000 kr
Bruttoløn 530 000 kr → ca. 23 % skatt → Nettoløn 408 100 kr
Bruttoløn 720 000 kr → ca. 26 % skatt → Nettoløn 530 000 kr
Bruttoløn 1 665 000 kr → ca. 37 % skatt → Nettoløn 1 040 700 kr

Du kan sjølv rekne ut skatt på ulike inntekter her: skatteetaten.no/person/skatt/skattekalkulator/

Dersom du driv eiga verksemd, betaler du skatt på næringsinntekt – altså det du tener etter utgifter. Du får også rett til pensjonspoeng og sjukepengar. skatteetaten.no/bedrift-og-organisasjon/skatt/

Formuesskatt gjeld dersom du eig mykje – som bustad, aksjar eller pengar i banken. I 2025 betaler du berre dersom du har over 1,76 millionar kroner i nettoformue.

Nettoformue er alt du eig minus lån. Dei fleste nordmenn betaler ikkje formuesskatt, fordi dei har mindre enn bunnfrådraget.(1,76 millioner kroner).

I 2025 er formuesskatten ca. 1 % på det som er over 1,76 millionar: