Kvifor brysthuda reagerer på hårfjerningskrem

Hei gut 20!

Så fint at du tek kontakt om det du lurar på!

Det du opplever er ganske vanleg og skuldast først og fremst at huda på brystet er annleis enn huda på armar og lår. Brystet har tynnare hud som er meir sensitiv og inneheld fleire talgkjertlar, slik som på ansiktet. Huda på brystet, til liks med halsen, ryggen og ansiktet, er derfor meir utsett for irritasjon av ytre faktorar og produkt som hårfjerningskrem. Friksjon frå klede, sveitte og varme på brystet kan forverre irritasjonen.

For å hindra irritasjon i huda kan du prøva å la kremen liggja på i kortare tid og deretter skylja han av med lunkent vatn utan å gni for mykje. Hugs å halde området reint, og unngå for tronge klede og hard trening rett etter hårfjerning. Etter hårfjerning kan ein beroligande krem roe ned huda. Huda treng også litt tid til å henta seg inn så vent gjerne nokre dagar mellom kvar behandling.

Dersom brysthuda stadig blir irritert og reagerer på hårfjerningskremen er det nok lurt å vurdere ein annan metode for hårfjerning (til dømes med maskin eller høvel). Huda seier frå når noko ikkje passar!

Du kan lesa meir i artikkelen under:)

Håpar dette var til hjelp!

Vennleg helsing legen, ung.no

Vi har valgt ut dette for deg

Skal du fjerne hår eller ikke?