Ein matros som vil jobbe på land, er det mogleg?

Hei!

Det er heilt vanleg at ein som har jobba til sjøs som matros kan kjenne at det ikkje passar lenger å vere ute på havet. Det er ikkje så vanleg å jobbe som matros på land, fordi matros-yrket ofte handlar om å jobbe på båt og til sjøs. Men med erfaring som matros kan du absolutt finne jobbar tilknytta den maritime bransjen på land.

I Bergen er det mange bedrifter innan rederi, hamn, logistikk og teknisk service som set stor pris på folk med bakgrunn frå sjøfart. Du kan til dømes finne jobbar innan hamnearbeid, lager, transport eller tekniske stillingar knytta til båtar og utstyr. Det finst også moglegheiter i offshore-relaterte firma der tryggleik og sjøkunnskap er viktig.

Det betyr at sjølv om du ikkje vil arbeide på sjøen meir, har du verdifull erfaring som opnar dører til landbaserte jobbar i Bergen. Det kan vere ein god idé å bruke stillingsportalar som arbeidsplassen.nav.no eller finn.no, og kontakte maritime firma direkte for å høyre om dei har ledige stillingar.

Du har mange gode føresetnader, og det er fullt mogleg å finne ei jobb som passar deg betre. Lykke til med jobbsøkinga!

Med vennlig hilsen

Karriereveiledning.no i samarbeid med ung.no