Korleis kan det kjennast meir ut som ein kjæraste?

Hei! Eg forstår kjempegodt at det kjennest snodig at de ikke pratar saman på skulen, og at det er som om de ikkje er saman.

Når ein går inn i eit forhold, har ein ulike forventningar til kva det forholdet skal innebere. God kommunikasjon er derfor heilt essensielt for at forholdet skal vere bra for begge to. Du skal jo ikkje måtte gå rundt å kjenne deg avgrensa, eller som at du ikkje er i eit forhold.

Snakk med kjærasten din om korleis de begge vil at det skal vere mellom dykk, og kva de kan gjere for å få det slik. Tykkjer kjærasten din at det er flaut å snakke saman på skulen? Kanskje de i så fall kan byrje med helsing, og deretter ha små samtaler. Kanskje de treng å bli betre kjend med kvarandre sine venner? Kanskje d ekan ta følge til eller frå skulen?

Det viktigaste er som nemnt å få i gong ein samtale om kva de vil, begge to. Deretter kan de vere kjæraster på dykkar premiss.

Hilsen Ungdomsredaksjonen, ung.no