Kordan bli forskar i mikrobiologi

Hei!

Takk for at du tek kontakt med oss.

Dette høyrest ut som ei spennande utdanning du vurderer! For å bli forskar må du starte med ein mastergrad, som tek fem år totalt (inkludert bachelor). Deretter kan du søkje på ei ph.d.-stilling, som tek om lag fire år å fullføre. Ph.d.-løpet avsluttast med ein disputas, der du forsvarar doktorgradsarbeidet ditt. Når du har oppnådd ein doktorgrad, kan du søkje på forskarstillingar.

Master i mikrobiologi
For å ta ein mastergrad i mikrobiologi kan du starte på eit masterprogram i biologi, der du spesialiserer deg i mikrobiologi dei to siste åra.

Eksempel på studium:

• Universitetet i Bergen: Tilbyr spesialisering i mikrobiologi dei to siste åra på masterprogrammet i biologi.
• Universitet i utlandet: Fleire universitet, til dømes i Stockholm og Helsinki, tilbyr mastergrad i mikrobiologi. For å vere kvalifisert, må du ha ein bachelorgrad i biologi. Du kan se ei oversikt her.

Bachelor i biologi
For å kvalifisere deg til masterutdanning, må du først ta ein bachelorgrad i biologi. Dette kan du gjere ved fleire universitet i Noreg, som:

• Universitetet i Bergen (UiB)
• Noregs miljø- og biovitskaplege universitet (NMBU)
• Noregs teknisk-naturvitskaplege universitet (NTNU)
• Universitetet i Tromsø (UiT)

Du kan sjå ei fullstendig oversikt over tilboda her.

Opptakskrav
For å kome inn på bachelorprogrammet, må du ha generell studiekompetanse og realfag. Du må sjå på krava for opptak til kvart enkelt studie.

Lukke til med vidare planlegging av utdanninga! Ta gjerne kontakt om du har fleire spørsmål.

Hvis det er mer du lurer på, kan du kontakte oss i Karriereveiledning.no på chat eller telefon. Det er gratis, og du er anonym når du kontakter oss

Med vennlig hilsen

Karriereveiledning.no i samarbeid med ung.no