Vil DPS ta tak i meir enn det eg er henvist for? Korleis gå fram?

Hei du!

Så flott at du tar kontakt når du lurer på noko. Du stiller relevante spørsmål som sikkert fleire også vil ha nytte av å vite svaret på.

Det fyrste eg tenker er at dette ikkje er noko å bekymre seg for. Du vil få både det vi kallar basisutredning (der ein både kartlegger din historikk/bakgrunn og også ser på ulike symptomer/eventuelle diagnosar) og så kan du få utvida utredning der behandlaren din går vidare med å finne meir ut av dei diagnosane som er eventuelt aktuelle for deg. Då vil det absolutt bli sett på mykje meir enn spiseforstyrrelse.

Det vil også vere heilt relevant og ikkje "hypokonder"-aktig at du tar opp det som du tenker er relevant for deg. Det er faktisk heilt avgjerande for at du skal få god behandling at behandlaren din veit kva som plager deg og korleis du faktisk har det. Det vil kanskje vere typisk å ta utgangspunt i henvisninga du har fått saman med behandler og så kan du legge til det du tenker at ikkje blir dekka av henvisningen. Eg tenker at dette kjem til å gå heilt fint.

Ynskjer deg masse lykke til med både utredning og oppfølginga ellers.

Ha ein god dag!

Med beste helsing frå psykologen