Kan arbeidsgivar trekke i lønna mi?

Hei

Vi forstår at dette er ein vanskeleg situasjon.

Det er ikkje fritt fram for arbeidsgivar å trekke i lønna eller feriepengane dine. Trekk i lønn og feriepengar er i utgangspunktet ikkje tillate, men det er nokre unntak.

Det er lov med trekk i lønn og feriepengar når det er skriftleg avtalt på førehand. Sjå arbeidsmiljølova § 14-15 (3) bokstav c. Så her er det viktig at du dobbeltsjekkar om arbeidsavtalen din seier noko om dette. Seier arbeidsavtalen ingenting om trekk i lønn, kan ikkje arbeidsgivar utan vidare trekke deg.

Hvis du etter å ha lese dette, meiner at arbeidsgivar ikkje har rett til å gjere trekk i lønna din, kan du krevje å få tilbakebetalt det beløpet arbeidsgivar har trekt.

Du finn ei oppskrift på korleis du kan krevje tilbakebetaling av lønna på temasida vår «Når du ikke får lønn eller feriepenger». Du finn ein mal på eit slikt kravbrev om tilbakebetaling på side 22 på denne nettsida til gratis rettshjelp.

Du skriv òg at du har opplevd brot på HMS og boforhold i jobben din. Dette er noko du kan vurdere om du vil tipse Arbeidstilsynet om. Bruk i så tilfelle vårt tips-skjema. Inspektørane våre vil då vurdere om dette er ei sak Arbeidstilsynet bør følgje opp med eit tilsyn. Men Arbeidstilsynet kan ikkje hjelpe til med å krevje lønnstrekket ditt tilbakebetalt. Dersom du treng hjelp i prosessen med å krevje beløpet tilbake, kan du kontakte fagforeininga di (dersom du er medlem) eller gratis rettshjelp.

Med hilsen Svartjenesten i Arbeidstilsynet i samarbeid med ung.no

(Vær oppmerksom på at vårt svar i denne tjenesten kun er veiledende kortinformasjon. Har du flere spørsmål om arbeid kan du også ringe Arbeidstilsynet på tlf: 73 19 97 00)