Må holde tale, er veldig usikker på kva eg kan sei

Hei!

Så fint at du skal halde ein tale på 60 års-dagen til forstermora di! Og så kult at du skal gjere det sjølv om du ikkje kjenner deg heilt trygg på det!

Å halde ein kort tale er uansett ein god idé, for det kan vere akkurat like fint og treffande som ein lang!

For å kome i gang kan du sette deg ned og berre skrive ned alt du kjem på, utan å "sensurere" deg sjølv. Ikkje tenk at det må vere bra, berre skriv! Når du har gjort det, kan du byrje å plukke ut det du liker.

Eit forslag til korleis du kan strukturere talen:

• Du kan for eksempel byrje med å seie at du ønsker å seie nokre ord på dagen hennar.
• Du kan trekke fram nokre egenskapar med fostermora di som du set pris på, og så fortelje om nokre minner. For eksempel: "Du har alltid vore veldig omsorgsfull, sånn som den gongen..."
• Trekk gjerne inn litt humor også!
• Hald det personleg og ekte. Du treng ikkje bruke nokre fine ord, bruk ditt eige språk!
• Du kan for eksempel avslutte med å takke for at ho er der for deg, og ønskje ho gratulerer med dagen.

Og så eit par tips til når du skal halde talen:

• Plant beina godt i bakken.
• Øv deg på å snakke tydeleg og høgt. Trikset er å bruke magen: Når du øver, kan du gjerne legge ei hand på magen for å kjenne at du bruker magemusklane for å sende ut lufta.
• Om du er nervøs, pust djupt ned i magen<3

Lukke til!

Hilsen ungdomsredaksjonen, ung.no