Korleis skal eg gjere det mest mogleg komfortabelt for han?

Hei!

Så fint du skriv til oss når du lurer på noko.

Det er med sex som med alt anna du måtte lure på i eit forhold: Snakk med kvarandre og fortell kvarandre kva de liker og kva de vil skal skje. Det som fungerer og kjennes godt ut for ein treng ikkje å vere godt for ein annan.

I spørsmålet ditt fortel du korleis de gjere det no. Det er heilt fint å ligge på sida medan du runker han. Synes de det er fint om han er utan bokser, er det heilt fint. Vil han behalde boksaren, er det og heilt i orden.

Ein annan måte å runke han på er om du sit på kne ved sidan av han. Han kan og sitje i ein stol og du på kne framfor han. Prøv dykk fram og kjenn etter kva som fungerer.

Han er og god på å fortelje deg korleis han vil du skal runke han; du seier han vil du skal halde litt lengre nede på penisen for at det skal kjennes godt ut. Då er det fint å fortsetje å gjere det på denne måten.

Eigentleg virker det som om du gjer det på ein god måte og som fungerer bra for han. Då mangler det berre for deg å kjenne etter om du synes det er bra for deg å runke han. Det er lett å berre ha fokus på han og ikkje deg sjølv - du skal og ha det godt!

Les gjerne denne artikkelen her for fleire tips.

Håper svaret var til hjelp for deg!

Hilsen Sexologisk rådgiver - NACS i samarbeid med ung.no