Eg er redd for å ha sex og for at det skal gjere vondt, kva gjer eg?

Hei jente 15!

Det er ikkje uvanleg at ein kan gru seg til å skulle ha sex med nokon. Ein kan lure på om ein ser bra nok ut, om kroppen er fin og om ein gjer ein god nok jobb i senga. Alt dette kan gjere at ein spenner seg og ikkje klarer å nyte og kose seg når ein har samleier eller andre former for sex.

For å førebu deg, kan det vere fint å bruke litt tid på å verte kjend med kroppen din og finne ut kva som skal til for at du får deg godt og klarer å slappe av. Her kjem det nokre tips du kan teste ut.

Ein gong du er åleine, kan du kle deg naken og sjå på deg sjølv i ein spegel. Nokon kan synes det er heilt ok å sjå på seg sjølv, medan andre kan trenge å sjå på seg sjølv fleire gonger. 

Når du kjenner det er ok å sjå på deg sjølv, kan du byrje å utforske kroppen din. Kjenn etter kvar på kroppen det er godt å bli tatt på og på kva måte. Nokon kan like å ta på seg sjølv mjukt og forsiktig, andre kan like kraftigere klaps og klyp. Gjer det same med kjønnet ditt. Bruk ein spegel, slik at du får sett alle delane av kjønnet ditt. Prøv ut ulike måter du kan ta på og stimulere deg sjølv.

Prøver ein å ta noko inn i skjeden før den er klar, kan ein kjenne det som svie, smerter og det kan blø litt. Det kan ta alt frå nokre minutt til ein halvtime med stimulering før skjedd er utvida og våt nok til samleie. 

Les gjerne vedlagde artikler for fleire tips og råd. Og hugs; kjenner du deg ikkje klar, er det heilt ok å vente.

Håper svaret var til hjelp for deg.

Hilsen sexologisk rådgiver