Kan lærarane lage en stor sak ut av snus viss dei ser at eg har det?

Hei!

Det finst ikkje dumme spørsmål :-) !

Lærarane kan gje deg lågare ordenskarakter viss du brukar snus i skuletida. Dei må sjå snusen i munnen din, eller at du tar han ut og kastar han, for å gje deg merknad.

Du kan finne fram skulereglementet for å sjå om reglane også omfattar det å ha med seg snus på skulen (å ha snusboksen i lomma/ha han synleg). Viss det står at det er forbode å ha snus med seg, vil lærarane også kunne gje deg lågare ordenskarakter for dette. 

Elevane kan nekta å opne munnen/vise fram det dei har i lommane. Det lærarane då kan gjere, er å sende ei bekymring til dei føresette om mistanken dei har om at eleven brukar snus/tobakk.

Når skulen startar igjen, kan det vere lurt å be om ein gjennomgang av reglementet, slik at alle veit kva som er forbode, og kva konsekvensane av regelbrot er, og kva lærarane faktisk kan gjere. 

Ha ein god sommar! 

Vennlig hilsen lærer/rådgiver, ungdomsskole, ung.no