Syns de e vanskli å sei til vennene mine at eg ikkje paste i ballkjolen min

Hei!

Det er absolutt inga skam å ikkje passe ein kjole du har kjøpt, og det trur eg ikkje venninnene dine kjem til å synast heller. At eit klesplagg er for lite er noko som kan skje med absolutt alle. Tru meg når eg seier det<3

Så, over til det reint praktiske:

Viss du har kjøpt denne ballkjolen på ein butikk, og den finst i større størrelsar, kan du prøve å få bytta han?

Viss ikkje det går an: Kjenner du nokon som er flinke til å sy? Da kan du spørre dei om dei kan sy den litt ut til deg, anten ved å bruke noko av stoffet som allereie er i kjolen, ved å lage ein anna lukkemekanisme på den, eller leggje til nokon små stykker av eit anna stoff som passar stilmessig til kjolen. Søk litt på Internett, det finst mange kule løysningar!

Kan du verken bytte eller sy om kjolen, kan du prøve å selge den vidare. Det kan du for eksempel gjere på Finn.no. Så kan du bruke pengane til å kjøpe ein anna kjole du liker godt. Eg skjønner at det er kjipt om du ikkje kan beholde denne kjolen, sidan du likte han så godt, men det finst andre fine kjolar der ute også;)

Håpar dette var til hjelp!

Hilsen ungdomsredaksjonen, ung.no