Har fått hovne pupper med kuler i. Kan det vere kreft eller kva er det?

Jente, 18

Siste måneden har eg fått hovene pupper og de har blitt veldig vonde slik eg ikke får sove å har fått klumper i de skal til legen å skjekke meg for brystkreft men tingen er det kan ikke være gravititet eller mensen for eg har p stav og har ikke hatt mensen på 1 år så burde ikke vær erndringer i hormoner og har ikke gått opp i vekt eller noe så er ikke bare fett og har fått mange flere synelige blodårer og de klumpene kan eg bevege på de sitter ikke fast og e rikke akkurat den sunneste personen har røyket og snuset i snart 4 år å drikker hver uke siden eg var 15 så kan d være at det faktisk er kreft for ka annet kan d være for eg har tatt graviditetstest å alle har vært negativ

Svar

Hei kjære deg.

Du har fått hovne pupper og kan kjenne bevegelege kuler der.

Først må eg seie at vi på ung.no ikkje kan stille diagnoser. Så det er bra at du har fått legetime for å sjekke dette ut - det ville vore mitt råd til deg også!

Det er vanskeleg for meg å seie sikkert kva dette kjem av når eg ikkje kan undersøke deg. Men eg kan seie noko generelt om dette:

Det er ikkje så uvanleg at særleg unge jenter får hovne bryst. Då kan ein kjenne kuler eller meir "vev" /klumper i brysta, og sjå blodårene betre. Det kan ha flere årsaker, men dei mest vanlege årsakene er ufarlege! Så det treng slett ikkje vere kreft!

Sjølv om ein har p-stav, kan det framleis vere litt "rot" med hormona, noko som kan gi hovne bryst med klumper i. Vektendring er også noko som kan gi hovne bryst, fordi vektendring kan gje endring i hormona. For deg er dette ikkje aktuelt då du har stabil vekt.

For dei aller fleste unge jenter på din alder, er det prevensjonen eller hormonelle endringar (litt "rot" eller ubalanse), eller graviditet, som gir hovne bryst. Det er sjeldan at dette er noko farleg.

I ditt tilfelle har du fleire negative graviditetstestar, så då kan ein mest truleg stole på dei (om dei er frå norske apotek eller frå lege).

Så sjølv om du har snust og røykt og drukke i 4 år, er det statistisk lite sannsynleg at du skal ha brystkreft. Det er jo rett at dette er usunt, men det tek oftast tiår før slikt gir kreft (eller auka kreftfare). Det å få brystkreft som 18-åring er ekstremt sjeldan!

Så eg tenker at du ikkje treng vere så bekymra for kreft i brystene! Dette er ikkje uvanleg, også med p-stav. Men det er bra at du skal til lege. Der vil du få ein sjekk og et meir konkret svar.

Alt godt! Vennlig hilsen lege, ung.no

Besvart: 26.8.2025