Ka må eg gjere om nokon lener seg inntil meg på skulen og det er ei jente?

Hei

Takk for spørsmålet ditt til Ung.no

Det høyrest ut som ein litt ukomfortabel situasjon for deg. Det er heilt lov å reagere når nokon kjem veldig tett på eller oppfører seg på ein måte som kjennest rar.

Her er nokre ting du kan gjere:

1. Set grenser på ein roleg måte
Du kan seie noko enkelt og tydeleg, som:

• «Kan du vere så snill å ikkje lene deg inntil meg?»
• «Eg likar ikkje at folk står så tett.»

Du treng ikkje forklare meir enn det. Kroppen din og plassen din er din.

2. Flytt deg fysisk
Om ho lener seg inntil deg, kan du ta eit lite steg til sida eller setje deg ein annan stad. Det er ein enkel måte å vise at du treng avstand.

3. Snakk med ein vaksen om det held fram
Om ho ikkje sluttar etter at du har sagt frå, kan du snakke med kontaktlærar, rådgivar eller ein annan vaksen du stoler på. Det er ikkje å sladre – det er å ta vare på deg sjølv.

Når det gjeld det du seier om «hormon greier»: Nokre oppfører seg annleis fordi dei er forelska, usikre eller berre ikkje er så flinke sosialt. Det betyr ikkje at dei er «rare» – men det betyr heller ikkje at du må like det eller akseptere det.

Har du tenkt på at ho kanskje likar deg godt eller er forelska i deg? Sidan ho lener seg inntil deg og vil vere fysisk nær deg. I puberteten produserer ein mykje hormon. Det skjer hos både jenter og gutar. Då kan det kome mange kjensler, og det er vanleg å bli forelska og å ønskje å vere nær den ein likar. Så kanskje har ho eit ekstra godt auge til deg.

Dersom du mistenkjer det, er det lurt at du tenkjer gjennom om du likar henne, eller om du berre synest ho er plagsam.

Eg håpar svaret var til hjelp, eller i det minste at det sette i gang nokre tankar hos deg. Ønskjer deg alt godt vidare!

Hilsen helsesykepleier, Ung.no