Eg har blødd i over to veker med nye p-piller, vil det gå over etterkvart?

Hei!

Takk for spørsmålet du har sendt.

Det er kjent at ein kan blø noko uregelmessig dei fyrste tre månadane når ein startar opp med nye p-piller. Dette gjeld også for Desirett.

Derfor vil eg råde deg til å prøve å bruke p-pillene i 3 månadar for å sjå om blødningane blir mindre og sjeldnare. Ofte vil dei fleste oppleve at det blir betre og at dei etterkvart får ein meir regelmessig blødning.

Det er samstundes ikkje godt å måtte blø så lenge og eg forstår at dette kan vere plagsamt og vanskeleg.

Det er også nokon som opplever humørsvingningar når dei startar opp på p-piller. Om dette kjem på grunn av p-pillene og blødningane du har kan eg ikkje svare deg konkret på. Dette fordi humørsvingningar også kan vere heilt normale variasjonar i livet og i din alder.

Dersom du opplev at dette plager deg mykje kan du spørje om du kan få legetimen før det har gått 2 månadar.

Håper noko av svaret kan vere til hjelp.

Lykke til!

Helsing helsesjukepleiar, ung.no

Vi har valgt ut dette for deg

Hvordan virker p-piller og annen hormonell prevensjon?

Sånn kan fastlegen hjelpe deg

Helsestasjon for ungdom (HFU)

Dette kan du snakke med helsesykepleier om