Eg skjegler. Korleis kan eg finne lege og få ein trygg operasjon av det?

Hei kjære deg.

Lasik surgery er ein slags laser-operasjon for å korrigere synet - altså endre synsstyrka. Synsstyrke - om ein er langsynt/nærsynt osv - kaller ein ofte brytningsfeil, på fagspråket. Så Lasik kan hjelpe om ein er nærsynt/langsynt.

Nokre gongar er det brytningsfeil som gjer at ein skjeglar. Andre gonger er det litt meir komplisert, eller andre årsaker. Men det er BERRE der skjeglinga kjem av brytningsfeil, at ein laser-operasjon hjelp.

For elles kan ein Lasik-operasjon faktisk forverre skjeglinga også. Så her må ein få ein grundig vurdering for å vite OM ein kan operere, og i så fall korleis.

Det er altså sjeldan ein bruker Lasik-operasjon mot skjegling. Det ein heller gjer, er å flytte litt på auge-musklane, slik at augene står meir "likt" og ikkje skjeglar. Det er augelegar som undersøkjer og avgjer behandling av skjegling. Ein må ha henvisning /tilvising frå fastlegen, for å kome til offentleg augelege.

Så du kan starte med å gå til fastlegen. Der kan du få hjelp vidare, til dømes med henvisning til augelege. Det er i så fall augelege som avgjer om, og korleis, ein bør behandle skjeglinga di.

Det blir viktig, når legane skal vurdere kva behandling du bør få, at du fortel dei kor mykje og lenge skjeglinga har plaga deg. Det er noko dei skal ta omsyn til.

Ps. Eg legg ved artikkelen om å ha annleis utsjånad. Ikkje fordi ein har det ved skjegling - men mykje av tankane kring det, kan vere dei same.

Alt godt! Vennlig hilsen lege, ung.no