Kvifor sliter eg slik med magen? Blir dårleg av å ete.

Hei kjære deg.

Det var leit å høyre at du har så mykje problem med magen.

Det er ikke uvanleg å bli dårleg dersom ein ikkje et frukost. Då kan ein kjenne seg uvel, bli kaldsvett, skjelven, slapp og føle ein skal besvime. Det kjem ofte av at blodsukkeret er for lavt. Om vi går lenge utan mat, gir kroppen signal om det. Kroppen treng frukost.

Så ei løysing er at du passer på å få i deg mat (til dømes skive, graut, juice, melk osv) før du blir så dårleg. Prøv å planlegge for frokost tidleg nok til at du unngå å bli dårleg.

No veit eg ikkje når du et dei ulike måltida. Men dersom du ikke et kvelds, eller du et kvelds veldig tidleg, kan det bli for mange timar utan mat. Så det kan vere lurt å ete kvelds også. Det beste er gode og faste rutiner for måltid.

Så fortel du at du blir dårleg etter å ha vore på do på morgonen. Det kan vere mange årsaker til dette. Eg kan dessverre ikke seie noko sikkert om årsaka hos deg, når eg ikkje kan undersøkje deg sjølv.

Men det høyres ikkje bra ut å ha det så ubehageleg. Mitt råd er at du går til fastlegen din. Der kan du få ein sjekk, og deretter kan legen seie meir om årsaka. Når ein har funne forklaringa, kan du få råd og hjelp vidare.

Det er vanskeleg å seie kva du eventuelt bør gjere annleis her, for først må vi vite kva som er årsaken til problema.

Oppsummert: Prøv å ete frukost før du blir dårleg. Gå til legen med mageproblema. Legen vil hjelpe deg vidare.

God betring!

Alt godt! Venleg helsing lege, ung.no