Kan koronavaksina ha gjort mensen uregelmessog og vondare?

Hei.

Det er kome rapportar om at koronavaksina dessverre kan påverke mensen i nokre tilfelle. Det er fleire kvinner som har klaga på dette. Og ein har også funne dette i forsking: nokre får uregelmessig mens, og vondere mens etter vaksina.

Det er viktig å understreke at vaksina verkar uansett, at desse plagene er ufarlege - og at dei er forbigåande.

Eg kan ikkje seie noko sikkert for akkurat ditt tilfelle, utan å ha undersøkt deg sjølv. Så eg kan ikkje seie om det hos deg er vaksina som ga deg desse plagene, eller om dei skuldast noko anna.

Det som er rådet til kvinner som har mensplager etter vaksina, er at dei oppsøker lege for ein sjekk.

For - det er ganske vanleg med syklusforstyrringar og menssmerter, og det kan vere mange andre årsaker til dette også.

Så mitt råd må vere at du bør gå til fastlegen eller lege ved Helsestasjon for ungdom. Da kan du få en sjekk og et mer konkret svar.

Det er også viktig med eit konkret svar for å finne ut kva du bør gjere med ei eventuell andredose.

Alt godt! Vennlig hilsen lege, ung.no