Eg er muslim og kjenner meg tiltrukken til gutar, kva gjer eg?

Gutt, 19

Hei, jeg føler at eg er homofil og det skremet meg lenge. Jeg føler at jeg blir tiltruket til gutter. Jeg prøver å nekte denne tanken og følelsen, fordi eg er muslim og kommer fra kultur som ikke tilatter homofili. Jeg prøver å like jenter men det er vanskelig, fordi eg blir tiltruket av gutter, nesten som magnet. Hvis eg blir åpen om at eg føler meg homofil, blir eg ikke annerkjent som familiemedlem i slekta lenger. Jeg hadde følelse at eg var skeiv siden eg var 11 år gammel. Men den følelsen ble sterker gjennom åra. Eg føler på press fra de rundt meg, om at eg må gifte meg snart og det må ikke gå så mange år. Jeg vil ikke gifte meg med ei dame som eg ikke har ekte følelser til. Eg er redd også å komme til helvete fordi eg føler meg skeiv. Det er tøft å skjule det og ha religion som nekter skeive og ser på det som synd. Jeg sleitt psykisk i mange år.

Hei!

Så fint du skriv til oss når du lurer på noko.

Det er leit å lese om korleis du har det. Å vere i puberteten og finne ut kva og kven ein er skal berre vere fint, spanande og vakkert. Alle fortener å kunne utforske seg sjølv, verte forelska, kåt og kjenne seg tiltrukken til kven det måtte vere.

Nokre gonger blir det vanskeleg. Oppdager ein som du at kjærleiken og tiltrekninga di går i ei retning som familien, slekta og religionen ikkje kan tillate vil ein få det vanskeleg. Kven skal ein ta omsyn til; seg sjølv eller dei rundt ein?

Du er ikkje åleine om å stå i dette dilemmaet. Det er mange truande muslimer som har dei same kjenslene som du fortel om og som synes det er vanskeleg. Nokre får til å kombinere trua si med tiltrekninga, andre synes det er vanskeleg.

Kanskje det kan vere både fint og godt for deg å snakke med andre homofile muslimer for å høyre kva dei tenkjer og korleis dei lever liva sine? Sjekk gjerne ut Skeiv Verden for å treffe andre med same bakgrunn som deg. Du kan heilt fint vere anonym om du tek kontakt med dei og du treng ikkje bestemme deg for korleis du skal leve livet ditt.

Lukke til – du fortener å ha det godt med deg sjølv!

Håper svaret var til hjelp for deg!

Hilsen Sexologisk rådgiver - NACS i samarbeid med ung.no

Besvart: 23.8.2026