Tips til flørting og korleis eg skal si at eg liker han?

Hei!

Så fint at du er forelska i ein flott gut! Eg skjøner godt at det er vanskeleg å fortelje han kva du føler.

Det kan vere ein god plan å byrje med å flørte med han. Du kan flørte ved å halde blikket hans ekstra lenge, gje han kompliment, og smile mykje når du er rundt han. Det viktigaste er å tørre å gje han oppmerksemda di. Få han til å føle seg sett, og føle seg vel! Og så flørtar vi heilt naturleg når det er nokon vi liker;)

Prøv gjerne også å byrje å hengje meir med han. Inviter han til å finne på noko med deg! Eg er sikker på at han kjem til å synest det er kjempehyggeleig at du spør.

Og så kan du gjerne fortelje han kva du føler. Det er lettare sagt enn gjort, og det kan vere skikkeleg skummelt. Men det finst inga fasit her- Det gjeld å hoppe i det! Det er nok betre å fortelje han kva du føler, enn å gå rundt og ikkje vite, og la sjansen gå i frå deg.

Lykke til!

Hilsen ungdomsredaksjonen, ung.no