Tør ikkje legge drømmegutten til å snap, redd for hva han tenker om meg.

Hei!

Eg skjønner kor skummelt det kan vere å legge til denne guten på snap (og eg synest du formulerte deg godt)!

Å ta det første steget når ein følar seg kjedelegare eller mindre kul enn den man skal ta kontakt med, kan vere skikkelig vanskeleg. Spesielt om du allereie har dårlege erfaringar med å gjere det same før. Da er det lett å tenkje at det kan gå på same måte igjen.

Men om du ikkje prøver, finn du kanskje aldri ut om det er nokre gutar som er annerleies enn dei du har lagt til på snap før? Og om dette er drøymeguten, vil du kanskje angre meir om du ikkje prøver, enn om du prøver og det ikkje går?

Det andre du kan gjere, er å øve deg på å tenkje betre om deg sjølv.

Når du ser deg sjølv i spegelen, øv deg på å sjå etter noko du liker ved deg sjølv, heller enn noko du ikkje liker. Sei gode ting til deg sjølv. Ja, denne guten er kanskje attraktiv, men det er jo du også! Du er både spennande nok, kul nok og flott nok til at han skal kunne like deg. Om du tar kontakt med han, er han heldig som får bli kjent med deg.

Du kan for eksempel skrive ned komplimentar du får, og lese gjennom dei av og til.

Dessutan føler dei fleste av oss at vi er mindre kul enn den vi er forelska i. Men dette går ofte to vegar - Om han blir forelska i deg, vil han føle det på same måte!

Når du tar kontakt med han, er det lov å "fake" litt sjølvtillit. Prøv å ikkje tenke så mykje over akkurat kva du skriver, men hald det lett og lekent. Om du trår litt feil, og seier noko litt rart, er dette også en del av flørtinga. Det gjer ikkje noko, og han kjem sannsynligvis ikkje til å tenke noko meir over det. Våg å flørte med han, sjølv om det er skummelt. Vis at du er interessert i han ved å stille han spørsmål, og å seie fine ting til han. Du har ikkje noko å tape, berre noko å vinne.

Stol på deg sjølv, og kor flott du er! Dette klarar du!

Hilsen ungdomsredaksjonen, ung.no