Eg har så lyst på sex, korleis få til det?

Hei!

Så fint du skriv til oss på ung.no

Du fortel at du har vore utsett for seksuelle overgrep. Det kan gjere det vanskeleg å finne ut av seksualiteten sin både åleine og saman med ein partner. Opplever du at overgrepet enno plager deg og held deg attende frå å vere den personen du ynskjer å være, tilrår eg deg å snakke med nokon om det slik at du kan få det betre og går vidare. Helsestasjon for ungdom i kommunen din er fin å snakke med. Synes du det blir for tett, kan du sjekke ut anten Alarmtelefonen eller ungdomsklinikken Sex og samfunn.

Uansett kva du vel å gjere eller ikkje, er det fint om du bruker litt tid på å bli kjent med deg sjølv som ein seksuell person. Det betyr å tenkje gjennom kva det er som gjer deg kåt og kva for seksuelle fantasier du har. På den måten kan du finne ut av kva du kan tenkje deg å gjere saman med nokon.

Det er og fint å bli kjent med kroppen din. Prøv deg fram og kjenn etter kvar på kroppen det er godt å verte teken på og på kva måte. Det er og fint å bruke tid til å sjå på korleis kjønnet ditt ser ut og bli kjent med dei ulike delane. Kjenn etter korleis du liker å ta på deg sjølv, korleis du liker å onanere og kva det er som skal til for at du får orgasmer eller andre gode opplevinger.

Sjølv om du kan kjenne det skummelt å skulle bli kjent med kroppen din, vil det være nyttig for deg å bli tryggare på kva du liker og kva du vil og treng av ulike stimuleringer. Får du betre sjølvtillit, vil det og være lettare å tørre å ta kontakt med nokon. I tillegg vil du gje deg sjølv orgasmer og andre gode opplevinger - berre det er fint i seg sjølv.

Håper svaret var til hjelp for deg!

Hilsen Sexologisk rådgiver - NACS