Eg angrer på at eg sa ja til sex.

Hei!

Så fint du skriv til oss når du lurer på noko.

Ein skal alltid passe på å få samtykke til sex. Får ein ikkje samtykke, eller kjenner seg usikker, er det fint å la vere og slutte å mase.

Du fortel at du sa nei fleire gonger, men at du etterkvart ga opp og sa ja. Han burde ha forstått at du eigentleg ikkje ville og latt vere å ha sex med deg.

Du har uansett ikkje gjort noko gale. Du gjorde det du kunne for at de ikkje skulle ha sex. Etterkvart blei det for vanskeleg for deg å fortsetje å seie nei.

Det er ikkje uvanleg at ein kan kjenne på kjensler som anger eller skuld etter å ha hatt sex ein ikkje ville. Då er det fint å vite at du kan legge bort tankene som at du har gjort noko feil eller gale.

Nokre gonger er det fint å snakke med nokon når ein har det dårleg med seg sjølv. Då er helsestasjon for ungdom der du bur fin å sjekke ut. Du kan og chatte med ein fagperson på ungdomsklinikken Sex og samfunn.

Håper svaret var til hjelp for deg!

Hilsen Sexologisk rådgiver - NACS i samarbeid med ung.no