Eg har epilepsi - kva er rettane mine på skolen?

Gutt, 17

Eg går i 1. klasse på vidaregåande og har epilepsi som gir nattlege anfall (5–10 per natt). Dette påverkar kvardagen min, særleg når det gjeld lange prøver og innleveringar. Eg gjer det bra i muntleg og korte prøver, men slit meir med skriftlege oppgåver(eksamen+), i engelsk har eg fått både 4 og 5, men standpunktkarakteren er 4. Eg meiner dette ikkje speglar min kompetanse. Eit døme: vi skulle sjå ein film og svare på spørsmål. Eg var ikkje til stades første visning, fekk ikkje beskjed om å ta notat, og var akkurat komen heim frå X ble sjuk der. Svara mine blei mixed og dårlig på filmvurdering)Eg fekk heller ikkje ekstra tid på eksamen, sat til siste minutt då måtte alle gå. Ifølge Opplæringslova § 1-3 og rett til tilrettelegging skal elevar få høve til å vise kva dei faktisk kan, utan at helseproblem hindrar det. Tilrettelegging skal tilpassast behov, og vurderinga skal fokusere på innhald – ikkje småfeil.Eg ønskjer å vite fleire rettar eg har og kva som kan gjerast klage

Svar

Hei,
Eg skjønar at du har ein krevjande skulekvardag, og synest du viser god innsikt i kva du klarer innafor vanleg skolearbeid og kor du møter utfordringar.

Det stemmer at du som har dokumentert helseutfordring kan ha rett til ekstra tilpassing. Då er det viktig at skolen er informert om dette, og har fått dokumentasjon knytta til situasjonen din.

Rådet mitt er at du ber om ein samtale med rådgjevar på skolen din for å gå gjennom

kva tilpassing du allereie har, og kva som eventuelt kan endrast innafor skolen sine rammer
kva skolen har av dokumentasjon, kva som eventuelt manglar
om skolen har vurdert om du har tilstrekkjeleg utbytte av opplæringa slik det står i opplæringslova §11-2

Klage

Manglande tilretteleggjing på skolen kan vera diskriminering. I artikkelen (lagt ved) kan du lesa meir om kor du kan klage dersom du ikkje får den tilretteleggjinga du har krav på
Epilepsiforbundet har informasjon og råd om tilrettelegging i skolen
Du har rett til å klage på eksamenskarakter og standpunktkarakter, det står i kapittel 10 i opplæringsforskrifta

Du kan òg ta kontakt med elev- og lærlingeombodet i ditt fylke for å få meir vegleiing.

Lukke til!

Hilsen

Mobbeombud i Rogaland i samarbeid med Ung.no

Finn ditt ombud på elevombudene.no

Besvart: 6.6.2025

Oppdatert: 6.6.2025