Ein voksen eg kjenner har tatt meg på rumpe og lår

Hei du!

Så fint at du tar kontakt. Eg skjønar godt at du er skuffa over at dei vaksne ikkje har tatt deg meir på alvor når du har fortalt om dette.

Det er ikkje greit å klype og stryke på lår og rumpe til nokon som ikkje vil det. Det at du var barn og ho var vaksen gjer det også verre ettersom det er slik at vaksne har ansvaret for slike handlingar og ikkje barnet.

Eg veit ikkje kva som har ført til at dei vaksne du har snakka med ikkje har trudd deg. Det handlar kanskje om at dei ikkje har tålt å høyre det fordi det ikkje «passar inn» med biletet dei har av denne vaksne personen. Det er uansett ikkje ei god nok unnskyldning. Du skulle blitt høyrd og tatt på alvor då du fortalte om dette.

Eg tenker at du bør kontakte noen profesjonelle for å snakke om dette. Dei som kjenner den vaksne frå før har ikkje klart å møte deg godt. Det er nok dermed betre med ein utenforståande du kan snakke med om det du har opplevd og om dine reaksjonar i ettertid. Enten kan du gå til helsestasjon for ungdom eller helsesjukepleiar på skulen din.

Du skal ikkje måtte gå rundt å bekymre deg for dette aleine og vere engsteleg for at det skjer igjen. Det er lurt å dele med noen profesjonelle som kan gi råd.

Eg ynskjer deg alt godt og masse lykke til.

Med beste helsing psykologen