Korleis er vegen til fagbrev og kven skal kontaktast?

Hei!

Så fint at du tek kontakt og takk for nokre gode spørsmål!

Ulike vegar til fagbrev og finne lærlingplass
Slik eg forstår deg så lurer du på høva dine til å fullføra vidaregåande utdanning med lærlingtid for å fullføra eit fagbrev innan elektro. Her finst det litt ulike løysingar og eg vil tipsa deg om å sjekka ut eit verktøy på utdanning.no som heiter "Veien til fagbrev". Her kan du plotta inn opplysningane dine og finna ut av dei moglegheitene som finst. Det er mogleg å ta fagbrev på jobb dersom du har ein jobb som er villig til å gi deg opplæring.

Korleis kan du finna ei lærebedrift sjølv
På "Finn lærebedrift" kan du søkja opp moglege lærebedrifter, her vil du få informasjon om korleis du kan gå fram. Før inn ditt område og kva fag du ønskjer, så vil du kunna få opp nokre alternativ.

Kven skal kontaktast?
Det er fylkeskommunane som har ansvar for all vidaregåande utdanning, så det vil vera lurt å ta kontakt med dei. Her er ei informasjonsside om fagbrev på jobb ved Vestland fylkeskommune. På sidan her finn du også kontaktopplysningar.

Ønskjer deg mykje lykke til med utforskinga og vegen vidare!

Viss du treng meir hjelp, så kan du gjerne ta kontakt med oss på Karriereveiledning.no på chat, telefon eller e-post.

Med vennleg helsning

Karriereveiledning.no i samarbeid med ung.no