Det gjer vondt å ha samleie, kva gjer eg med det?

Hei!

Så leit å lese om smertene dine.

Sex og samleier skal ikkje gjere vondt, ikkje når ein held på og heller ikkje etterpå. Gjer det vondt, er det både fint og viktig å stoppe opp og heller gjere noko som ikkje gjer vondt.

Den kanskje mest vanlege årsaka til at samleier kan kjennes vonde er at ein prøver å ta imot ein penis før skjeden er tilstrekkeleg fuktig og utvida. Prøver ein likevel å ta imot noko, kan det oppstå rifter i slimhinnene i skjeden. Dette gjer vondt.

Har ein opplevd dette nokre gonger, byrjer musklane i området rundt skjeden å spenne seg. Dette kan etter kvart føre til smerter som gjer det vanskeleg eller umogeleg å gjennomføre samleier.

Det er fleire andre årsaker til at samleier og sex kan kjennast vonde og dette kan ein finne ut av om ein treff ein dyktig lege. Slik du fortel om plagene dine og alle gongene du har snakke med ein lege om dei, så virker det ikkje som om du har truffe «rett» lege som kan nok om smerter ved samleie – vulvodyni. Her kan du lese meir om vulvodyni.

Ikkje gi opp, sjå på nettsida vulva.no om det finnes helsepersonell i nærleiken av der du bur som kan hjelpe deg.

Finnes det ikkje, kan det vere fint å ta ein tur innom helsestasjon for ungdom i kommunen din eller fastlegen din. Spør om dei kan noko om vulvodyni. Kan dei ikkje noko om det, kan du be dei om å fortelje korleis du kan få god og rett hjelp.

Håper svaret var til hjelp for deg!

Hilsen Sexologisk rådgiver - NACS i samarbeid med ung.no