Kan støtsmerter under samleie kome etter kvart?

Hei!

Det er fint å vite at sex og samleier aldri skal gjere vondt. Kjenner ein det gjer vondt, er det fint å stoppe opp og heller gjere noko anna som de båe kan like.

Smerter under samleie kan ha fleire årsaker, men den mest vanlege er at skjeden ikkje vert tilstrekkeleg fuktig og utvida eller at den blir tørr undervegs. Det at skjeden blir tørr og trekk seg saman kan spesielt skje om samleiene varer lenge.

Tenkjer du at dette er noko som kan gjelde dykk når de har sex, er det fint å snakke saman og saman finne ut kva de kan gjere av sex utan at det vert vondt for nokon av dykk.

Støtsmerter kan og kome at at penis "dunker" inn i livmorhalsen. Den kan ein kjenne som ein "klump" heilt inst i skjeden. For å unngå at det skjer, kan ein prøve å variere samleiestilling.

Det kan og vere fleire andre årsaker til støtsmerter. For å finne ut av det, kan det vere både fint og viktig å ta ein tur innom lege på helsestasjon for ungdom i kommunen din eller fastlegen.

Håper svaret var til hjelp for deg!

Hilsen Sexologisk rådgiver - NACS i samarbeid med ung.no