Korleis kan vi bli saman att?

Hei! Eg forstår kjempegodt at dette er vondt akkurat no, og at du føler mykje anger på at du var den som slo opp. Ikkje klandre deg sjølv. Eg trur at det var veldig riktig at du fulgte magekjensla di der og då og satte di eiga mentale helse først.

Det er også bra å unngå å øydelegge noko viss du er redd for at du ikkje kan ta vare på forholdet på grunn av korleis du har det.

Personen du likar har openbart vore veldig glad i deg, og er sannsynlegvis framleis det. Du seier også at personen likar deg, men at personen også likar to andre. Ikkje tenk på det som ei rangering, men tenk på det som teikn på at personen er litt usikker.

Eg trur at det hadde vore fint for deg å skrive ei melding eller eit brev der du forklarar kva du føler og at du kjenner at du er klar for å gi det eit forhold treng. Spør om personen du likar trur at de kan finne ut av det.

Uansett kva svaret er trur eg det er veldig fint å få avklart det, slik at du enten kan gå vidare eller jobbe med å bygge opp att det de hadde.

Hilsen Ungdomsredaksjonen, ung.no