Burde eg snakke med legen om angstmedisiner?

Hei du!

Så fint at du tar kontakt når du har noko du lurer på.

Den beste medisinen for angst er samtaleterapi/behandling. Medisinar som er retta direkte mot angst er ikkje å anbefale på langt sikt ettersom dei gir avhengighet og paradoksalt nok gi meir angst på sikt. Mange slit med å slutte med medisinane dersom dei har brukt dei over tid. Angstmedisinar er best egna for korte/avgrensa ting/situasjonar som å t.d komme seg gjennom ein flytur, ei gravferd eller liknande. Dersom ein bruker medisinar kvar dag for angst eller for å klare mange ting/situasjonar i livet vil angsten berre bli verre.

Når det er sagt så er det fleire antidepressive medisinar (altså medisinar som er retta hovudsakleg mot depresjon) som også har effekt på angst ettersom angst/depresjon ofte er tett knytta til kvarandre. Dermed vil mange oppleve at antidepressiv medisin også hjelper for angst. Dette vil vere eit betre alternativ enn reine angsmedisinar (som beskrive over) ettersom ein ikkje bli avhenging av slike medisinar på same måte. Dermed går dette an å drøfte med fastlege.

Men som eg skreiv innledningsvis så vil den beste behandlinga for både angst- og depresjonsplager på lengre sikt vere samtalebehandling. Dersom ein er moderat til djupt deprimert vil nokon trenge antidepressiv medisin i tillegg til samtaler - dersom ein er mildt til moderat depressiv vil imidlertid samtaler uten medisin vere mest anbefalt. Det finnast også god behandling for alle angstlidelsar.

Kva som gjelder i akkurat din situasjon vil legen din kunne vere med å finne ut av. Du kan derfor trygt ta opp det du har lyst til med legen for å få tilbakemelding på kva som blir lurast for akkurat deg og din situasjon.

Eg ønsker deg masse lykke til!

Med beste helsing psykologspesialist