Kan medisin mot høgt stoffskifte gjere at eg legg på meg?

Hei!

Vi på ung.no kan ikkje stille diagnoser. Og eg kan dessverre ikkje gi deg konkrete svar angående helsa di, når eg ikkje kan undersøke deg sjølv.

Men eg kan svare generelt:

Nokre med høgt stoffskifte opplev vektnegong, uansett kva dei et. Viss ein har det slik og ein så får behandling slik at ein oppnår normalt stoffskifte, blir vekta ofte meir stabil og ein kan ikkje lenger ete mykje utan å legge på seg.

Så her spørs det på utgongspunktet; viss ein har danna seg ei vane med å ete (for) mykje (fordi ein ikkje går opp i vekt), vil ein nok kjenne at ein går lettare opp i vekt. Men eigentleg har ein fått eit normalt stoffskifte, og vil då ha "normalt lett" for å legge på seg eller ta av seg.

Du spør om du kan gjere noko for å få meir energi og mindre hovudverk. Også det blir vanskeleg for meg å svare på, når eg ikkje kan undersøke deg og ikkje veit mer om deg og helsa di.

Men hovudverk og lite energi kan vere symptom på høgt stoffskifte. Så du bør fortelle dette til spesialisten. Då kan hen ta det med i vurderinga ang medisinering. Så det kan godt hende at hovudverken forsvinn/blir mindre og energien blir betre, om du får behandling og får normalt stoffskifte.

Ellers - viss hovudverken ikkje kjem av stoffskiftet, bør du få ein sjekk og fastlegen. Då vil behandlinga avhenge av kva årsak ein finn. Nokre gonger finn ein ingen klar årsak. Då kan ein kanskje anta at det kjem av stress, stive muskler eller lite søvn og "dårlege" vaner.

Så det kan uansett hjelpe på både energien og hovudverken med gode vaner - et og drikk nok, få nok søvn, legge seg og stå opp til same tid kvar dag, prøve å slappe av, snakke bekymringer eller urolege tankar.

Så eg tenker det er viktig at du tek opp dette med hovudverk og energinivå med spesialist, og også med fastlegen din. Legane dine kan gi deg meir konkrete svar og kan også gi deg behandling om det trengs.

God betring!

Alt godt! Vennleg helsing lege, ung.no