Korleis komme vidare etter eg slår opp?

Hei! Det høyrest ut som at du har opplevd litt av ei berg- og dalbane av kjensler i året som har gått, og det verkar som at du er godhjerta og gir ein sjanse til gutane, men også at du tek vare på deg sjølv og seier når nok er nok. Det er veldig viktig.

Eg forstår godt at du lengtar etter å vere nær denne guten, og spesielt når det har vore så mykje fram og tilbake trur du kanskje at ting kunne vore bra. Det er veldig vanskelig å gjere seg ferdig med noko når det kjennest ut som at ting er usagt mellom dykk, og de framleis har kontakt, sjølv om de ikkje lenger er saman. Du er usikker på han og det var nok best at det vart avslutta då det kjennest best for deg.

Det einaste som hjelper for å komme over nokon er tid, og det er det du må gi. Det er heilt vanleg at du saknar han og tenker på om du gjorde det rette eller ikkje, men etterkvart kjem du til å tenke mindre og mindre på dette og kanskje føle meir på dei tinga som ikkje fungerte. Når han behandla deg dårleg ein gong, kunne jo det hendt fleire gonger. Dersom det hjelp kan du slutte å følgje han og ha mindre kontakt, slik at du tenkjer mindre på han. Dersom du har latt det gå tid og du kjenner at du verkeleg vil prøve på nytt, er det ingenting galt i å berre sende ei melding.

Lykke til!