Har ein rett på tid til å arbeide med oppgåver som forberedelse til fagprøva i arbeidstida?

Ja, som lærling i bedrift har du rett til tid til å arbeide både med dokumentasjon og forberedelse undervegs i opplæringa, men også til fagprøva.

Under kan du sjå kva som står om dette i opplæringslova.

"§4-4 Rettane og pliktene til lærebedrifta mm.

Lærebedrifta pliktar å leggje til rette produksjonen og opplæringa slik at lærlingen og lærekandidaten kan nå måla i den fastsette læreplanen. (...) Lærebedrifta skal utvikle ein intern plan for opplæringa, for å sikre at lærlingen eller lærekandidaten får ei opplæring som tilfredsstiller krava i læreplanen, eventuelt den individuelle opplæringsplanen. Ifall delar av opplæringa skal givast av andre enn lærebedrifta, skal lærebedrifta leggje til rette for dette.

Lærebedrifta skal skape eit godt arbeids- og læremiljø. Arbeids- og opplæringstida til lærlingen og lærekandidaten skal til saman ikkje vere lengre enn den arbeidstida som gjeld for andre arbeidstakarar i faget."

Det betyr at du skal få tid til å arbeide med forberedelse til fagprøva i arbeidstida.