Kan 13-åring bestemme sjølv om ho kan vera hjå mor om mor er borte?

Hei

Hei - og takk for at du skriver til oss!

Du lurar på om du sjølv kan bestemma at du kan vera hjå mor dersom ho ikkje er heime eller søv etter arbeid. Etter lova er det slik at når ein er 12-16 år så har ein rett til å bli høyrt og foreldra skal leggje stor vekt på det ein ynskjer. Det innber at foreldra skal vurdera nøye om det er mogeleg å få det til slik ungdommen ynskjer. Likevel er det foreldra som tek den endelege avgjerda. Og det er foreldra som skal koma fram til ei endeleg avgjerd i lag - og dei skal vera samde. 

Er det mogeleg at du og foreldra dine kan setja dykk ned i lag og tala saman om dette? Kan hende er det noko som er misforstått eller tenkt feil/annlein enn det som er tenkt? Dersom du trur dette blir for vanskeleg for dykk - er det mogleg at nokon i familien eller vener kan hjelpe dykk med ei slik samtale?

Dersom du trur dette ikkje vil nytte, kan du/de kontakte familievernkontoret og be om at de får kome dit til samtale. Der er dei vande med å hjelpe til med å drøfte og koma fram til avtalar. Der kan du samtale aleine óg om du ynskjer det.

Lykke til!

Mvh

familieterapeuten