Har ikkje motivasjon til noko, veit ikke ka e skal gjør med livet mitt

Hei du

Så fint at du tar kontakt.

Det høyres ut som du har komme inn i ein vanskelig sirkel der alt påvirker alt i negativ retning. Du fortel at det kjennes som eit mareritt og då er det på tide å få hjelp til å snu korleis du har det. Eg tenker at det blir viktig å få starta i ein "ende" slik at ein ikkje må starte med alt på ein gong. Det er gjerne slik at det å begynne med noko også vil påvirke det andre positivt.

Eit eksempel ville vore dersom du i første omgang hadde hatt fokus på å få i deg fleire måtid gjennom dagen. Eit måltid er for lite. Dersom du hadde starta med fleire måltid ville effekten kunne vore at du fekk meir overskudd og dermed også klarte å ta ut søppelet frå rommet ditt. Det å ha eit rom som ikkje har søppel gjer gjerne noko med humøret igjen. Det å ha litt betre humør gjer gjerne til at du klarer å finne på noko anna enn gaming.

Det er ikkje meiningen at du skal finne ut av alt dette aleine. Det er vanleg å måtte ha hjelp og innspel frå andre.

Eg tenker at det blir lurt om du tar kontakt med helsesjukepleiar på skulen din eller Helsestasjon for ungdom der du bur. Begge stader kan du gå uten å ha henvisning eller avtale frå før. Der vil du kunne få snakke med voksne som er vant til å snakke med andre på din alder om alt mulig forskjellig som er vanskeleg i kvardagen. Då vil du kunne få råd til kva du bør gjere vidare.

Ønsker deg alt godt og masse lykke til.

Med vennlig hilsen psykologen