Kva skal eg gjere når eg brått vert kåt?

Hei!

Det du fortel i spørsmålet ditt er veldig vanleg og noko som svært mange opplever i puberteten. Dette er den perioden av livet kroppen endrer seg aller mest, både på inn- og utsida. Ein kan kjenne det som om kroppen koker av hormoner og ein kan bli kåt når som helst og av kva som helst - akkurat slik du skildrer det i spørsmålet ditt.

Og når ein kjenner seg kåt, kan ein få lyst til å gjere noko med det. Nokon kan til dømes få lyst til å ta på den ein blir kåt på. Det er ikkje rart, men likevel ingen god ide. Skal ein ta på nokon fordi ein kjenner seg kåt, må ein alltid sjekke ut om den andre er interessert i at det skal skje. Vil den andre ikkje vere med på det ein har lyst til, må ein berre respektere det.

Det enklaste er ofte det beste. Kjenner ein seg brått veldig kåt, er det heilt ok å gå på toalettet, eller ein annan stad ein kan vere i fred, og onanere. Det gjer at ein kvitter seg med noko av den seksuelle energien ein kjenner på og i tillegg er det deileg med ein orgasme.

Etter kvart som ein vert meir ferdig med puberteten, vil den mest intense kjensla av å alltid vere kåt bleikne og verte enklare å takle.

Håper svaret var til hjelp for deg!

Hilsen Sexologisk rådgiver - NACS