Korleis hjelpe foreldre når ein sjølv og søsken har flytta heimanfrå?

Hei

Hei - og takk for at du skriv til oss.

Det er vanskeleg å sjå at foreldra ikkje har det bra i lag - både om ein bur heime i lag med dei eller har flytta ut. Det er ikkje enkelt å vera "terapeut" for sine nærmaste og det er nok ikkje rett at vi skal det heller. 

Du kan rå dei til å kontakte familievernkontoret. Tilbodet der er gratis. Sidan dei ikkje har heimebuande born blir dei kanskje ikkje prioritert høgast der, men det får dei informasjon om når dei tek kontakt. Det finst privatpraktiserande par-/familieterapeutar. Kan hende det er stuttare ventetid der enn hos privatpraktiserande psykologar. Det kostar pengar å nytte privatpraktiserande, men det kan kanskje variera noko. 

Du kan jo eventuelt sjekke kva som finst av slike tilbod der foreldra dine bur, ventetid og eventuelle kostnadar - og så kan du presentera dette for foreldra dine. Eller så kan du gjere dei merksame på det finst hjelp å få og så får det bli opp til sjølve å ta kontakt. 

Elles kan du sleppe katta ut av sekken, be om ein prat med dei og seie at du som dotter deira ikkje vil vera vitne til dette lenger og at dei må gjere noko med det dersom dei ønsker at du skal tykkje det er triveleg å koma heim. Dersom ein av dei vil prate negativt om den andre til deg så kan du seie at dette vil du ikkje høyre på eller prate om og gå dersom det ikkje blir slutt. Sjølv om det kan vera vanskeleg og ubehageleg så kan det vera greit å få klare meldingar og rammer for foreldre frå borna sine.

Lykke til!

Mvh

familieterapeuten