Kvifor orkar eg ikkje å pusse tennene,fjerne sminka eller dusje om kvelden?

Hei

Takk for at du skriv til oss i Ung.no igjen.

Det høyrest ut som dette er noko som bekymrar deg.

Det du beskriv, høyrest ikkje ut som at du er lat. Når ting som å pusse tennene, ta av sminke, dusje eller skifte bind plutseleg blir veldig vanskeleg å få til, kan det vere eit teikn på at du er veldig sliten, eller at det er noko anna som gjer at heilt vanlege kvardagsoppgåver kjennest tunge.

Du skriv at dette har gått i periodar, og at du tidlegare klarte å få tilbake gode rutinar. Det viser at du kan få det til, sjølv om det kjennest vanskeleg akkurat no. Eg tenkjer eg at det kan vere lurt å prøve å finne ut kvifor det har blitt slik igjen.

Eg vil derfor anbefale deg å snakke med nokon du stoler på, eller bestille time hos fastlegen. Det kan også vere fint å snakke med ein helsesjukepleiar dersom du går på skule. Du kan også ta kontakt med helsestasjon for ungdom. Der kan du snakke med helsesjukepleiar eller anna helsepersonell som er vane med å hjelpe ungdom som har det slik. Dei har teieplikt, og tilbodet er gratis.

Dei kan hjelpe deg med å finne ut om det kan vere stress, nedstemtheit, utmatting eller andre ting som gjer at kvardagen blir ekstra krevjande.

I mellomtida kan det vere fint å senke krava litt. Det er betre å pusse tennene i eitt minutt enn å ikkje pusse dei i det heile. Kanskje kan det også hjelpe å pusse tennene litt tidlegare på kvelden, før du blir veldig trøytt.

Sidan du har fått merke på tennene tidlegare, vil eg også anbefale at du bestiller ein time hos tannlegen. Dei kan sjå om tennene treng behandling og gi deg gode råd vidare.

Ta gjerne kontakt med oss igjen dersom du ønskjer å fortelje meir om korleis du har det. Eg ønskjer deg alt godt !

Hilsen helsesykepleier, Ung.no

Vi har valgt ut dette for deg

Snakk med foreldrene dine om vanskelige ting

Dette kan du snakke med helsesykepleier om

Helsestasjon for ungdom (HFU)