Eg blir kåt av ein gut i klassen og vil ikkje vere gay, kva gjer eg?

Hei!

Takk for at du skriv til oss om det du opplev som vanskeleg.

Det er ikkje så lett å berre skru av følelser. Det er heller ikkje så nyttig å forsøke å ikkje like denne guten og prøve å undertrykke følelsene du kjenner på. Ofte blir det ikkje betre av å gjere det, men ein kan kjenne seg meir frustrert og lei seg.

Å kjenne at du er tiltrekt av denne guten forstår eg er vanskeleg for deg. Når ein kjenner på følelser som dette kan ein ynskje å undertrykke dei eller forsøke å føle noko anna.

Våg å utforske det du kjenner og føler. Det er heilt greit å bli kåt og ha lyst på sex med det same kjønn. Det kan gjere at du slapper litt meir av og aksepterer det du kjenner på.

Mange som kjenner seg tiltrekt av same kjønn, men som ikkje vil vere homofil kan bruke tid på å bli kjent med desse tankene og følelsene. Mange kan også velge å ikkje dele det med nokon og ber på dette aleine. Det kan vere vondt og einsamt.

Det kan vere nyttig å snakke med nokon du stoler på. Helsesjukepleiar har teieplikt og kan ikkje fortelle det du snakkar om vidare. Andre kan ha nytte av å snakke med ein god ven eller nokon i familien.

Fortsett å fantasere om guten og våg å utforske meir av dei tankene og følelsene du kjenner på.

Lykke til!

Hilsen helsesykepleier, ung.no

Vi har valgt ut dette for deg

Er jeg skeiv? Og må jeg fortelle det til andre?

Ofte og plutselig ereksjon?

Trenger du noen å snakke med om kjønn og identitet?