Ser man mye traumatiske ting i brannvesenet?

Hei du!

Eg forstår at du tenkjer på om det er mykje traumatiske opplevingar i ein jobb i brannvesenet, og eg skjønner at det er viktig for deg å vita.

Det korte svaret på dette er: ja, når ein jobbar i brannvesenet vil ein oppleva traumatiske ting. Men det er mykje som tyder på at det finst rutinar på brannstasjonane for oppfølging etter at ein har vore med på situasjonar som er ekstra tøffe.

For å gå litt meir inn på dette har eg sett på yrkesbeskrivinga på utdanning.no. Der står det mykje nyttig som gir eit tydelegare innblikk i kva jobben som brannkonstabel går ut på. Jobben kan mellom anna bestå i å sløkkja brannar, redda menneske og dyr, og jobba med tryggleik. Hovudoppgåva er å redda liv, materielle verdiar og miljøet.

I dette yrkesintervjuet fortel ein brannkonstabel at han av og til møter sterke inntrykk, og at det på brannstasjonen hans finst rutinar for å snakka saman etter slike hendingar. Dette blir kalla kollegastøtte, der ein følgjer opp kvarandre og pratar saman for å behandla det ein har opplevd.

Eg håpar at dette var litt til hjelp! Eg har trua på at du kan få meir svar på det du er usikker på ved å sjekka ut utdanning.no yrkesbeskrivinga og intervjuet av brannkonstabel.

Det er heilt vanleg å tenkja på dette før ein vurderer ein jobb i brannvesenet. Å vita at det finnes rutinar og støtteordningar kan kanskje gjera det lettare for deg å finna ut om dette er ein jobb som passar :)

Lykke til!

Med vennlig hilsen

Karriereveiledning.no i samarbeid med ung.no

Vi har valgt ut dette for deg

Slik finner du informasjon om utdanning

Hva skal jeg bli?