Trur æ har OCD pga alle tvangstankene. Ka kan æ gjøre?

Hei

Dette forstår eg opplevst strevsamt og vanskeleg for deg.

Når påtrengande tankar gir deg ubehagelege kjensler og trong til å utføre visse handlingar for å stoppe desse kjenslene, kan det vere tvang du strevar med.

Det viktigaste du kan gjere, er å fortelje deg sjølv at desse tankane er irrasjonelle, altså at dei ikkje er sanne, at det er tankar som lurer deg til å tru at noko fælt kan skje.

Så neste gong du får ein tanke eller trong til å telje eller halde pusten, kan du seie dette til deg sjølv: “No kom den trongen igjen, men det kjem ikkje til å skje noko farleg sjølv om eg ikkje tel eller held pusten.”

Det kan opplevast skikkeleg ubehageleg i starten når du gjer dette, men jo fleire gonger du klarer det, dess sjeldnare vil tvangstankar dukke opp.

Etter kvart vil dei forsvinne heilt.

I motsett fall vil tvangstankar bli sterkare og kome oftare, når du gjentek handlingane som å telje eller halde pusten.

Blir dette vanskeleg å få til sjølv, vil eg be deg snakke med foreldra dine så du kan få hjelp. Nokre gonger held det å snakke med helsesjukepleiar på skulen, andre gonger kan det vere aktuelt å bli tilvist til BUP der det finst god behandling.

Dette er heldigvis ikkje farleg, sjølv om det kan følast slik og får deg til å gråte.

Det beste er at du kan bli heilt frisk frå det.

Vennlig hilsen psykiatrisk sykepleier for ung.no

Vi har valgt ut dette for deg

Er tvangstanker vanlig?

Trenger du noen å snakke med?