Korleis skal eg slutte å sjå porno og runke?

Hei!

Så fint du skriv til oss når du lurer på noko.

Du fortel at du er 18 år og kjenner deg avhengig av porno. Kanskje det kan vere ok for deg å vite at det å være 18 år for dei fleste betyr å kjenne seg kåt stort sett heile tida? Og at det kan gjere at ein blir så seksuelt frustrert at ein kjenner på behov for å sjå porno og runke stort sett alltid?

Sjølv om ikkje vener og dei andre i klassen snakker om det, så opplever dei det på meir eller mindre same måten som deg. Skilnaden er korleis ein takler å vere kåt.

Det kan vere vanskeleg å endre korleis ein takler det å kjenne seg ofte og mykje kåt. Sjå om det er eit mønster når du ser porno og runker. Kan du finne noko anna å gjere istadenfor? Klarer ein å finne noko å gjere som kan ta bort noko av merksemda rundt det å kjenne på trong til å sjå porno, kan det gjere at ein ikkje bruker så mykje tid på det.

Ein annan god start kan vere å setje seg realistiske mål som å ikkje sjå porno medan ein er i klasserommet og heller vente til pausen. Det kan og vere eit bra mål å ikkje ta på seg sjølv medan ein er i klasserommet. Vert ein ferska i det, kan det skape problemer som både kan vere pinlege og vanskelege.

Du kan oppleve det slitsomt og frustrerande no, men etter kvart som du vert eldre og kjem deg meir gjennom puberteten, vert det enklare å takle det å vere kåt. Då vert det heller ikkje like spanande å runke og sjå porno.

Håper svaret var til hjelp for deg!

Hilsen Sexologisk rådgiver - NACS i samarbeid med ung.no