Folk seier eg eigentlig ikkje vil vere sammen med ho. Trur dei er sjalu.

Hei!

Så leit å høyre kva folk seier om deg og kjærasten din.

Det kan nok godt hende at dette kjem frå sjalusi eller misunning.

Her kan det vere lurt at dokker hugsar på at det viktigaste er at dokker veit kva som er sant, og at kva andre folk seier eigentlig ikkje har noko å si, sjølv om det sjølvsagt kan vere både vondt og ubehageleg å høyre usanne ord. Men sånn som her, når dokker ikkje veit kven som har sagt det heller, er det beste dokker kan gjere å vende det døyve øyret til. Om ho vil det sjølv, kan det kanskje vere en god idé å ikkje bruke sendit også?

Har du prata med kjærasten din om dette? Om du får prata med ho, forsikra ho om at du elsker ho, og dokker begge veit at dette ikkje er sant, og at dokker stolar på kvarandre, er det det som har noko å seie<3

Ønskjer dokker alt godt!

Hilsen ungdomsredaksjonen, ung.no